Faahfaahin: Dhaawaca Wasiirka Dhalinyarada iyo Cayaaraha Jubaland

AwlibaaxWasiirka dhalinyarada iyo cayaaraha dowlad goboleedka Jubaland Sheekh Max’ed Awlibaax oo uu maanta dhaawac kasoo gaaray qarax ka dhacay Muqdisho ayaa haatan lagu daweeynayaa Isbitalka Digfeer ee magaalada Muqdisho.

Xildhibaan Max’ed Daa’uud Cumar (Codweeyne) oo la joogay Wasiirka markii uu shilku dhacayay ayaa sheegay in haatan wasiirka uu ku jiro qeybta emergencyga ee isbitalka Digfeer, halkaa oo lagu daweeynayo.

Waxa uu sheegay in dhaawaca uu yahay firir wasiirka ka galay madaxa, dhaqaatiirtuna ay la tacaalayaan sidii ay uga soo saari lahaayeen.

“Walaalow wasiirka qeybta Emergency-ga ayuu ku jiraa, xaaladdiisa sidii aan moodeeynay hada way yara dhaantaa, dhaqaatiirtu waxay xoogga saarayaan in ay daweeyaan,” ayuu xildhibaanku hadalkiisii raaciyay.

Iska ku hay Jubaland Media si aad u hesho warar xaqiiq ah;

Nagala soo xidhiidh jubalandmedia@gmail.com

Leave a comment

Your email address will not be published.

*